Ray Online |香港警察進駐抖音一周年 蕭澤頤夥甄子丹拍宣傳片(香港警察官方抖音)
香港警察今日(19日)入駐抖音一周年，警務處處長蕭澤頤特別夥同影星甄子丹合作拍片宣傳，回顧過去一年抖音帳號所拍攝過嘅影片，更喺留言區對大家嘅關注同支持表示感謝，並歡迎大家留言，最多Like嘅仲會有「驚喜」。
宣傳片中，甄子丹表示飾演警察多年，係時候同香港警察「切磋」下，而「一哥」蕭澤頤就帶同10位來自唔同部門嘅同事「招呼」，呢10位警察過去就已經喺過去一年嘅香港警察抖音入面亮相，介紹自己部門同埋工作。甄子丹見咁大陣仗，就笑言「打10個已經係16年前嘅事」
隨住內地短視頻平台急速興起，警隊希望透過社交平台加強香港、內地以及其他地區民眾嘅接觸，從而傳遞防騙滅罪訊息同埋展現警隊正面形象。警隊官方抖音第一條片就由蕭澤頤帶領不同崗位同事拍攝嘅短片，一年來已經有52條影片，其中一條慶國慶影片更有超過120萬點讚。
【影片連結】
amJetso送太興鮮臘腸 👇立即按此參加
