黃傑龍喺facebook大晒食壽司相，對日本魚生壽司好有信心（黃傑龍facebook圖片）
日本噚日（24日）正式將核處理水排放入海，港府落實禁止日本十都縣水產入口﹕中國海關總署仲即日加碼，全面暫停進口日本水產品。兩地政府風險為本，步步為營。但係香港日本食品及料理業協會創會會長黃傑龍（Simon）就一無所懼，噚日喺社交平台貼出喺九龍灣食壽司嘅照片，又話「繼續食日本壽司的，都是懂科學的人」，直接用行動支持日本菜，對日本菜非常有信心。
撐魚生壽司同業
自從日本傳出將核處理水排入太平洋，香港嘅日本菜館生意一落千丈，業界而家就努力同政府商討，希望爭取推出政府認證嘅食物核安全標識，保證食客對食材嘅信心，但一日未出台，日本菜業界就一日都要捱，Simon「利申」自己公司冇做魚生壽司餐廳，但都表明「支持壽司魚生同業」。既然政府都咁好禁咗十個都縣水產入口，又咁嚴格地幫我哋睇實唔同嘅輻射數據，喺香港食到嘅日本菜，應該都可以「信政府，唔驚」啩。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
