區議會選舉2023｜入境處突擊考驗同事5秒講出身份證用途 呼籲選民帶身份證投票｜Ray Online
區議會選舉12月10號舉行，各個政策局同部門都落足力拍宣傳片，今次「落水」嘅就係入境處啦。主持人負責突擊考驗同事，限5秒內講出其中3個身份證用途，大家都講得出各式各樣嘅用途，包括出入境、借圖書、結婚、人事登記紀錄等等，有人挑戰成功，亦都有人挑戰失敗呀。
郭俊峯提醒選民帶身份證投票
呢個時候入境處處長郭俊峯就示範「正確答案」，話身份證梗係用嚟投票啦，提醒大家嚟緊12月10號係區議會選舉投票日，記得提埋身邊都係選民嘅屋企人同朋友，帶埋身份證一齊投票，共建美好社區。
而入境處智能大使i-Bonnie都識得答呢個問題呀，當問佢12月10號係咩日子？佢就答「你梗係冇聽處長講啦 ，12月10號係區議會選舉投票日，大家記得帶埋身份證投票」。
amJetso送太興鮮臘腸 👇立即按此參加
