Ray Online｜警方與粵劇團體合作 鄧炳強：睇粵劇學防騙
警方為咗將防騙資訊融入市民生活，西九龍總區甚至同粵劇團體錦紅霞劇團合作，將防騙戲碼融入折子戲當中。保安局局長鄧炳強今日就出席呢個別出心裁嘅粵劇表演，話呢個宣傳項目係為咗用簡單易明嘅手法，向老友記傳遞最新嘅防騙資訊。
鄧炳強相信老友記不會輕易上當
鄧炳強話「睇粵劇，學防騙」，創新又啱晒長者睇，今日見到班老友記咁精靈，相信佢哋睇完咁精彩嘅大戲，都會了解到最新嘅騙案手法，唔會輕易上當啦。老友記除咗可以欣賞粵劇，相中仲見到鄧炳強向佢哋派發警方防騙吉祥物「提子」，仲有個大型「提子」現身添！
