Edan獲叱咤生力軍男歌手銀獎。
MIRROR成員Edan(呂爵安)在叱咤樂壇頒獎禮上奪得生力軍男新人銀獎，他於凌晨突發開Live，一邊享用「爵媽」特製的愛心水餃，一邊分享去年猶如坐過山車的心路歷程。Edan形容去年遇上連環幸運事件，因此生活充實忙碌，直至完成叱咤頒獎禮才鬆一口氣。他表示無論甚麼顏色的獎項都已很開心，MC張天賦奪金獎是實至名歸，「佢唱歌真係好好聽，佢作品都係好好聽，其實今年我哋三個男新人，MC、Mike(曾比特)都係《造星》出嚟，大家都喺《造星II》發放光芒，在後台就如朋友見面，所以大家都上台攞獎，好戥佢哋開心，好欣賞佢哋，會繼續向佢哋學習。」
Edan凌晨突發開live分享得獎感受。
盼多包容與支持
對於外界高度關注今年新人獎他與MC張天賦之爭，他認為，網民的爭論與罵戰已引發很多負面情緒，他反問：「點解唔可以多啲愛，去支持我哋，支持我唔一定唔支持MC，支持MC都唔一定唔支持我或其他人，其實可以共同進行，只係大家可能有不同preference同priority，唔代表只可支持一個！」他認真表示，其實每位歌手都有盡力，當然能力有高低，但香港很缺少一份愛和支持，「如果可以邊個唔想做最叻嗰個？邊個唔想樣樣嘢都好？但呢個世界冇十全十美，一個人唔會每樣嘢都好叻。」他續說，愛「食花生」乃人之常情，但如姜濤所言要香港樂壇成為亞洲第一，希望大家能給予多點愛和包容，吸納人才與資源，才有機會往外地競爭。
Edan吃著「爵母」的愛心餃子與「爵屎」傾偈。
在等待餃子期間，Edan吃香蕉充飢。
唱live壓力大
Edan又透露雖然很享受忙碌工作，但壓力亦很大，早前試過災難性的演出而飽受批評，為讓自己專心改進，甚至連網上討論區都不敢看，以免影響心情，他強調，壓力不在獎項，「反而很緊張一分半鐘的拉票表演(叱咤)，常常被人話係感冒歌手、感冒兒童，唱歌難聽走音……」他自認唱功跟很多專業級歌手仍有大段距離，故一直也有學唱歌，但進步需時，「起初錄《E先生連環不幸事件》唱唔到成首歌，但現已完整地唱到成首歌、表達到感情、駕馭到首歌，呢個進步我也收貨。」他直言，很想以live演出證明唱歌不如大家想像般差，不過日前在新城頒獎禮上唱《E先生》表現再次失準，令他大受打擊，他續說，「如果昨晚(1日)都唱得唔好就死，會畀人笑成世！如果呢啲機會都把握唔好，係好難令大家認同我，所以好想唱得好，昨晚總算係近期自己做得最好一次表演，鬆一口氣。」最後他透露選了今年的單曲，預告將會脫離「E式情歌」，給大家驚喜。
相關新聞：
叱咤2021｜MC張天賦擊敗Edan曾比特奪男新人金獎
叱咤2021｜黃偉文多謝MIRROR 笑言要搞無MIRROR叱咤頒獎禮
【立即參加】送香港迪士尼樂園一日門票！
