有汗出冇糧出｜40名工人將軍澳消防局宿舍地盤追薪 紮鐵工頭：再唔出糧我年都過唔到呀
今日（19日）上午11時許，將軍澳翠嶺路一地盤有工人到場追薪，現場約40人在聚集，氣氛平靜。約80至100名雜項、紮鐵及釘板工人被拖欠薪金逾300萬元。現場消息指，上址興建消防局暨救護站、部門宿舍及消防設施，大判為寶嘉建築。惟有工人今日早上返回地盤時，發現無法進出地盤。警方接報後到場調查。
完成工程後二判失蹤
三判負責人吳先生指，自己從事紮鐵，在上址工作約7個月，12名工人被拖欠11月至12月的薪金，涉款約80萬元；另有釘板、雜項及鋁模的工人同樣被拖欠薪金。他指，紮鐵工程本月11日已完成，二判曾承諾找數，「地盤起咗貨叫我哋走，但二判之後搵唔到人，直頭消失」。較早前曾聯絡大判，對方着他們尋求勞工處，「你搵勞工處都幾個月啦，下個月過年啦，點同佢等」。他希望能與大判及二判會面，坐下來面對面商討「我哋唔會搞事」，現時待警方介入。他直言，自己育有3名子女，又要供樓，即使大人能「捱公仔麵」小孩亦不可，「基本上佢停半個月我都就死，你再唔出我連年都過唔到」。
