水務署署長黃恩諾(前排右三)今日化身龍舟隊隊長。(FB專頁「滴惜仔 Water Save Dave」圖片)
水務署署長黃恩諾月頭一身「工友」裝束視察深水埗路陷地盤，成為網民一時佳話。佢今日端午節就冇再着T Shirt加水務署標誌反光背心示人，反而改着藍色嘅水務署背心，因為佢係以水務署龍舟隊隊長身份，親自「落水」同隊員一齊參與沙田龍舟競賽，最後仲喺賽事奪得季軍。
▼水務署龍舟隊奪得季軍▼
月初東區龍舟比賽贏得兩獎
水務署喺佢哋嘅吉祥物「滴惜仔」社交專頁貼咗幾幅相，話黃恩諾同一眾龍舟隊隊員上下一心，最終成功喺沙田龍舟競賽嘅「中龍邀請賽建造業議會偉金盃」拎到季軍，又話扒龍舟除咗需要體能同技術，更多嘅係講求團體合作精神。
水記仲提到，龍舟隊今個月2號喺東區龍舟比賽中拎到「政府部門創意造型獎」冠軍同「政府部門邀請賽銀杯」亞軍。睇返資料，黃恩諾就係喺當日去深水埗視察海壇街同桂林街交界路陷嘅緊急維修工程，唔知佢嗰日係咪都有為部門龍舟隊打氣呢？
▼赤柱正灘上演國際龍舟錦標賽▼
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
