Vanness去年11月趁疫情稍稍緩和之際首次創業，卻遇上今年疫情大爆發。(林俊源攝)
第五波疫情肆虐，各行各業都受影響。原本從事保險業的Vanness，去年11月趁疫情稍稍緩和之際，「膽粗粗」首次創業，與拍檔投資約20萬元開設派對房間(Party Room)。豈料，一個涉及機組人員的防疫漏洞，竟為本港經濟帶來毀滅性影響，Party Room等表列處所首當其衝需要即時停業，Vanness坦言當刻「毫無心理準備」。
採訪：專題組
「上年見疫情都穩定，政府有指引，又經常都本地零感染，所以睇好Party Room呢個商機，精心裝修咗個單位創業做生意。」Vanness向本報表示，去年底開業後生意不俗，聖誕檔期更連連爆滿，他對這盤生意的前景充滿信心。不過，一次涉及機組人員的防疫漏洞，便令全港經濟受損，開業一個多月的Party Room也被逼停業，「無諗過疫情咁快又爆過，仲要傳染力咁勁，情況會嚴重成咁。」
Vanness與拍檔斥資約20萬元，精心打造Party Room。(林俊源攝)
防疫抗疫基金資助僅夠交租
Vanness續指，政府推出的防疫抗疫基金，向Party Room發放一次性2萬元的資助，他形容相關款項僅夠交租。他稱：「我呢度地方細，無請員工，通常都係我一腳踢，咁停業期間2萬蚊用嚟交租，暫時都勉強夠用，如果佢一路都會資助落去，咁就叫做可以『吊鹽水』。」
對於公司未來前景，Vanness不敢多想，只能見步行步，「我之前買咗棵農曆新年嘅樹，未用過就擺咗喺度。自己有時上嚟清潔，見到空無一人都會難過㗎，咪快手做完就走，廢事眼冤囉。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
