Ray Online｜立會好聲音風波後 盧偉國再公開表演吹色士風(盧偉國提供圖片)
13名立法會議員原本喺「立會好聲音」活動上獻唱，建制派「班長」廖長江發「千字文」勸告議員，話如果出席跳舞、唱歌、演藝活動、體育活動等頻率比較活躍，有關報道仲多過立法會工作嘅話，市民或者會覺得議員「不務正業」。其後活動宣布取消，之不過只係相隔一星期，經民聯主席盧偉國就忍唔住公開表演。
經民聯噚晚舉行「慶祝中國成立74周年暨傑出義工嘉許禮」，盧偉國話適逢國慶同中秋佳節臨近，佢用鑽石色士風吹奏《You Raise Me Up》同埋《月亮代表我的心》，憑歌寄意，由衷感謝義工朋友嘅支持。佢望落非常投入，上載咗表演短片去社交網站，見到足足表演咗大約6分鐘。
盧偉國感謝社會各界支持經民聯
盧偉國亦話經民聯喺2012年成立，呢11年嚟全賴社會各界大力支持，以及義工嘅無私奉獻，令經民聯一步一腳印茁壯成長，努力推經濟、惠民生，發揮香港所長，服務國家所需。
amJetso送太興鮮臘腸 👇立即按此參加
