@fb車cam L（香港群組）/莊生圖片)
香港馬路出現大粟米？！近日網上流傳圖片，可見在白天的香港繁忙馬路上，有一輛混凝土攪拌車，它的「田螺」被塗成粟米的樣子，加上不斷轉動，令場面如同在馬路「燒粟米」，頓時成為馬路焦點，而剛好路過的發文者亦忍不住拍下如此特的車，並表示「好大條粟米呀！」
不少網民對大粟米造型讚不絕口，「之前我都有影過佢，真心正」、「呢啲咁咪幾好，大家望到都開心」、「返地盤都想開心下既」、「幾好啊幾有趣」，「又可以活化個行業，唔使死咕咕，令到個市面有啲生氣，抵讚」；更有人逗趣指，「「外表靚粟，入面係(石)屎」」、「咁佢呢架車嘔出嚟全部都係栗米？」
司機本尊現身
帖文更引出「粟米車」司機本尊分享「司機位視覺」，並解答網民疑問「(粟米圖案)係膠貼」；另有網民上傳了一名工友兩手俾V，與粟米車的合照，戲稱「最型、姿勢同角度都100分、啱啱好、影唔到手上支煙」、「開心工程佬」，而司機亦非常友善回應，「叫阿Sam，下次影我靚仔啲」。
入App免費換走健康產品
