有網民近日坐的士時，驚喜發現女司機帶同愛犬開工，更安排牠坐前座座位，(Threads)
的士司機態度近日備受輿論關注，有網民近日坐的士時，驚喜發現女司機帶同愛犬開工，更安排牠坐前座座位，樓主大讚非常可愛，不少網民留言亦稱曾坐過該輛的士。
該名女網民近日於社交平台Threads留言，稱「第一次搭的士見到司機有狗狗！太Q了吧」、「佢好乖，完全無吠。佢最後太攰趴喺度訓着咗，超得意！」，可見司機安排愛犬坐隔鄰座位，狗狗不時望向女網民，露出可愛笑容，及後又打喊露。根據行車證顯示該的士是女司機，樓主稱「我一開始仲嚇親，點解無端端會郁。我搭咗咁多次(的士)都真係第一次見，其實唔知(法例)畀唔畀的。」
另有網民留言稱曾坐過該的士，「我坐過佢車呀，狗狗好乖好安靜」、更有人發布此前坐的士前座抱狗的照片，稱司機准許他坐前面抱住佢。有人亦稱「好想坐佢車」、「嗚可愛到爆」、「怕有啲客唔喜歡就走去投訴」、「如果我有一日做Uber司機，我都會帶埋我隻狗」、「可能天氣好熱，帶佢做野有得涼冷氣」、「點解有個咁可愛嘅車務主任架」、「想call車」、「我都想帶狗狗返工但係驚比客鬧」、「狗狗都要返工好慘」、「車程會好開心」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
