千之味刺身壽司專門店及後亦宣布推出類似優惠，facebook發帖表示在全線分店推出「全港首間壽司飯放題」
本港飲食市道低迷，餐廳紛「出招」吸客，連鎖粥店「海皇粥店」的灣仔分店昨日公布將於本月28日至30日推出「全港首間粥店放題」，10元可在45分鐘內任食瑤柱白粥、四款油器和飲豆漿，優惠即成為網上熱話。網民熱議稱「只有一間做唔夠誠意」、「碳水放題，俾到盡每樣食一款」、「白粥呢啲高澱粉、高升糖！小心睇路呀」。
灣仔海皇粥店首推「放題」 10蚊任食45分鐘 網民︰一間咁大把
海皇粥店的「奇招」吸引業界仿傚，千之味刺身壽司專門店及後亦宣布推出類似優惠，facebook發帖表示在全線分店推出「全港首間壽司飯放題」，圖片設計亦仿海皇粥店，稱10元即可於45分鐘內任食壽司飯、豉油、日式芥末wasabi，亦可任飲綠茶。活動時間為本月25日至27日的所有營業時間，比海皇粥店的優惠期還要早。
帖文稱，「放題」優惠只限堂食，不得與其他優惠同時使用，如有任何爭議，千之味保留最終決定權。如有浪費食物，會以100克罰款100元計算。店方小編及後留言「00後小編真係顛顛地」、「得啦～大家成日問我幾時有放題嘛！？而家有喇～～仲可以任食wasabi添」、「生意難先係各小編發揮小小宇宙既時候」。有網民笑言「人哋(海皇粥店)吸引好多喎」，小編即回應「攪錯呀我有wasabi啵」。另有人問「點解一行寫罰100一行寫罰50嘅？」，小編則稱「分開罰，飲晒啲綠茶先好走」。
立即更新/下載AM730手機APP 體驗升級功能
