2022-07-26 11:29:39

網上熱話｜炎夏吸廢氣等車超翳焗　網民票選最地獄有蓋巴士總站係呢個？

酷熱天氣持續，近日有網民大呻大熱天時，在有蓋巴士站等巴士時又熱又焗，相當難受。有網民近日更於「香港討論區」發文，大呻「咁熱嘅天氣等巴士真係好辛苦」，指有蓋巴士站雖然有「瓦遮頭」，但實在很翳焗，並謂「焗到好似真係就嚟中暑咁，仲要啲巴士廢氣又多，又嘈，真係等車等到人都躁埋」，遂詢問大家覺得全港各區哪個有蓋巴士總站最熱。

藍田公共運輸交匯處候車最地獄

帖子引起不少網民回應，當中最多人提及的是藍田公共運輸交匯處，其次依則為中環交易廣場、鑽石山荷里活廣場、沙田新城市廣場、黃埔花園、坑口港鐵站等，但熱度仍不及藍田巴士總站。有網民直言，「藍田巴士站對住條路，啲廢氣攻過嚟真係爽爆」、「藍田站空氣完全唔流通」、「天花板啲風扇愈吹愈熱」。

事實上，藍田公共運輸交匯處雖然設有一個約可容納20多人的冷氣室，而其巴士站頭亦有裝設大型風機，惟不少乘客寧願捱熱在站頭候車，也未有走入冷氣室消暑。原因在於不少長者不懂使用巴士的手機應用程式查看到站時間，而冷氣室內亦不設電子公告板通知巴士埋站，故不少年長人士情願捱熱，在站頭候車，亦不敢貪坐冷氣室會走甩巴士。