荃灣楊屋道街市買蟶子呃秤4兩，老闆網上親自「耍冧」。(資料圖片)
買餸最怕呃秤！有網民日前在facebook群組「香港街市魚類海鮮研究社」發文，分享一次買餸經歷，並稱「呃秤一定要公開」。事緣他近日到楊屋道某海鮮檔，買了8隻每斤110元的巨型蟶子，女店員秤完後，表示重1斤12兩。
買蟶子被呃秤4兩
惟他拿上手後，卻質疑太重秤，「我上次買蟶子，已經收多我錢，差2兩我都吞咗佢算數。今次我當佢面再秤，1斤12兩只有1斤8兩，足足呃秤4兩。佢當堂笠水話，你話幾多就幾多囉！自動收返1斤8兩價錢165元。」
樓主提醒大家買海鮮一定要睇秤，「唔好畀人呃」，該海鮮檔他常去幫襯，平時都足秤，「但這個女人平時講嘢已經粗聲粗氣態度唔好，最重要呃我兩次，所以今次要公開佢，等佢檢討下」。
海鮮檔老闆親回應
事件公開後，引來一眾網民熱議。有網民指，「上次畀人呃完仲去」、「買海鮮一定要睇秤」、「畀人呃一次係你傻，呃第二次就係...」及後，涉事海鮮檔老闆亦親自留言「耍冧」，稱聆聽網民意見後，決定轉用電子磅避免出錯，「絕無差錯，帶來今次嘅不便，敬請原諒」。老闆又解釋，該名員工是壓力下犯錯，希望樓主隔天再去領取一紥蟶子作為補償。而當事人亦回覆指，自己經常光顧該海鮮檔，只希望女職員會檢討，「做生意要貨真價實，唔好呃顧客。我都經常幫襯你，希望你繼續做好這間舖。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
