新蒲崗發生長者貪方便「跨欄」過路卻跌倒的驚險意外。(車cam L（香港群組）FB)
新蒲崗發生長者貪方便「跨欄」過路卻跌倒的驚險意外。社交平台流傳一段車cam影片，可見昨日(23日)早上11時半，即黃色暴雨生效期間，車輛沿彩虹道往新蒲崗方向行駛，一名手持雨傘的老翁於擬由新蒲崗大廈對開彩虹道橫過4條行車線過馬路，結果跨越路中鐵欄期間，整個人失平衡跌倒，雨傘飛脫，雙腳斜掛在石壆上，倒地不起，他期間曾經移動右手，至於車輛則及時停低。
警方表示，當日早上約11時半左右接獲報案，指一名年約80歲老翁在彩虹道86號對開跌倒受傷，當時他仍然清醒。據了解，老翁最後毋須送院。
事件引起網民熱議，「貪方便之禍！」、「又世界冠軍？」、「行前啲其實有紅綠燈斑馬線，想貪方便都自量吓先啦，如果就咁死咗幾無謂呢」，亦有人慶幸司機及時停車，「好彩你見到，因為落雨能見度好低！」
amJetso送太興鮮臘腸 👇立即按此參加
