車Cam直擊｜東區走廊追尾Tesla摔倒，鐵騎士險被輾。(網片截圖)
驚險萬分！今日(1日)網上流傳一段長約20秒的車Cam影片，顯示一輛電單車在東區走廊快線行駛期間，疑因收車不及，追撞前面停車等候的Tesla。電單車上的鐵騎士隨即摔倒在地，車身跌落旁邊中線的馬路上。幸好鄰線的私家車及時收掣，未有輾過倒地的鐵騎士。鐵騎士其後自行站起，收拾散落一地的雜物，並疑似拿起電話通知他人，真可謂「死裡逃生」。拍片的司機表示：「好彩收(掣)得切」。
網民：冇畀人追尾真好彩
有網民在影片下留言，不少人都大讚拍片司機反應快速，即時煞車避開倒地的鐵騎士：「(鐵騎士)冇畀人追尾真好彩」、「俾我停唔切，或者片過左線炒埋」、「片中司機反應慢啲，個26司機(鐵騎士)今年月餅都食唔到」、「師兄好嘢，夠專心，反應快」；亦有人批評鐵騎士跟車太貼，差點累人累已：「呢個26唔好再揸啦，害己害人」、「(拍片司機)爭啲無啦啦做殺人兇手」。
amJetso送 Bodysonic先力牌窗口式冷氣機X靜音循環風扇X電動冷凍小風扇
