車Cam直擊｜油麻地驚現「碰瓷黨」 懶理消防堅持「𦧲地」瞓馬路。(網片截圖)
本港近期頻繁出現詐騙事件，懷疑再有「碰瓷黨」出沒街頭。今日(18日)社交平台上流傳一段車Cam片段，顯示一部的士駛至油麻地窩打老道與彌敦道交界時，一名拿著拐杖的黑衣男子，坐在地上慢慢移出馬路，另一名穿白衫的男子則從後攙扶。的士見狀隨即停車。不久，黑衫男移至的士前方，隨即倒下假裝被撞，附近車輛則慢駛而過。
網民笑言：臨時演員
此時，剛巧有消防車輛駛至，便閃燈停靠一邊。白衣男試圖拉起黑衣男，惟黑衣男堅持「𦧲地」不起。片段至此結束。
大批網民看過影片後留言，有人笑言「精神啲，臨時演員都係演員」、「真係好似拍戲埋位咁」、「臨時演員都係演員，導演未叫Roll機，就唔該自己埋位擺好姿勢啦」、「仲有消防員幫手檢查傷勢」；亦有網民慨嘆香港目前情況，直言「依啲就真係專材(才)喇，有哂道具同人證」、「真係黐線，估唔到依家有咁嘅嘢」。
【限時激減】800 amFUN 2盒！1200 amFUN 4盒！
