車Cam直擊｜石澳道「盲彎」突有對頭車逆線　網民籲勿放過：假期最多呢種人 (有片)

港島石澳道一向是駕駛車練習車技的好去處，有駕駛者周日下午駕車沿石澳道往石澳方向，至接近歌連臣角道交界的一個「盲彎」時，迎面突然有一輛逆線行車的藍色私家車駛至。對方見到片主後隨即急剎，然後再向左扭軚返回正確行車線，其間一度指向片主。片主事後在網上分享片段，直言「遲多1秒真係睇你唔到沖(衝)出來呀」，又質疑對方「手指指，係咪我錯呀？」

▼石澳道「盲彎」遇逆線對頭車驚險一刻▼

網民：就算畀人×都要耍冧啦

很多網民都呼籲片主不要放過對方，「你唔係唔送佢一程呀嘛」、「1823，送呢啲馬路炸彈一程啦」、「手指指，係唔係應該要做佢呢」、「交學費囉，等佢學識以後應該點行呢度」、「假期係最多哩(呢)種人。」

有人就批評對方並非不懂駕駛，「不過佢唔識嘅野應該係認衰同有禮貌」、「俾個5都無仲要手指指。」亦有眼利網民提出，對面私家車最初已經向片主「耍冧」，「佢第一下唔係已灑淋(耍冧)？之後指係咩意思」、「咁嘅情況就算畀人×都要曬(耍)冧啦，仲手指指」、「查實我發覺有時做咗啲咩錯事都唔緊要，只要有補救既(嘅)態度，基本對家都會原諒！」