鄧炳強手持火炬接力跑 為「特奥」運動員打氣｜Ray Online(鄧炳強Fb圖片)
備受矚目嘅杭州亞運即將開鑼，另一方面香港特殊奧運會就已經展開。保安局局長鄧炳強噚日都落場參與「香港特奧執法人員火炬跑啟動禮」，連同7個部門首長，包括警務處處長蕭澤頤、入境處處長區嘉宏等參加，各部門代表手持火炬接力跑步，為整個籌款活動揭開序幕。
鄧炳強讚揚特奧運動員潛能無限
鄧炳強話執法部門為慈善一向不遺餘力，一直非常支持呢個咁有意義嘅活動，可以為特奥運動員籌款，支持佢哋平日嘅訓練同參與特奥賽事。而今年係疫情後首次復辦，希望各位同事踴躍參加，一齊為特奥運動員燃點希望，喺體育路上發揮所長。佢讚揚特奧運動員潛能無限，又好努力為港爭光，冇理由唔支持呀！
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
