Ray Online｜入境處10人出戰杭州亞運 區嘉宏到場打氣
杭州亞運將會喺今個月23號正式開幕，入境處人員平時要緊守崗位，原來當中仲有10位同事兼顧刻苦嘅訓練，背後付出好多努力同汗水，代表香港出戰，參加壘球、棒球、籃球、排球、沙灘排球、曲棍球以及獨木舟多個項目，同一眾亞洲精英交流切磋，全力衝擊獎牌。
10位健兒唔係新手喎，當中有人已經戰績滿滿，已經係第3次參加亞運，就係駐守青山灣入境事務中心嘅入境事務助理員馮芷茵，將會出戰女子排球項目。即使其他健兒出戰亞運經驗較少，但都一早喺國際賽事累積經驗，橫掃獎項呀。
區嘉宏祝願健兒凱旋而歸
一眾健兒出發前，入境處處長區嘉宏到場為佢哋加油，鼓勵佢哋繼續精益求精，為國家、為香港、為部門作出貢獻，並且祝願佢哋凱旋而歸。入境處話10位運動健兒最需要大家支持，呼籲大家一齊為所有健兒加油
amJetso送太興鮮臘腸 👇立即按此參加
