鄧炳強試完咁多美食，都係最鍾意胡辣湯。(鄧炳強FB影片截圖)
保安局局長鄧炳強呢幾日率領「保安局青少年制服團隊領袖論壇」考察河南省，佢話之前去西安考察早餐食胡辣湯嗰時，唔少網民同佢講正宗嘅胡辣湯其實係源自河南，所以今次就把握機會試一試大家都話正宗嘅胡辣湯。
形容河南胡辣湯胡椒味「後座力更加長」
鄧炳強將品嚐嘅過程拍咗條片兼放上社交網站，話朝早6點去食早餐以為已經好早，點知店入面都已經坐滿人。佢朝早就食咗胡辣湯、牛肉盒、素包、牛肉煎餃同豆腐腦等。佢試完一啖之後，形容胡辣湯好似冇咩感覺但就後勁好勁，「好似撒咗一堆胡椒粉喺我喉嚨咁樣。」
之後鄧炳強仲話，河南胡辣湯嘅胡椒味係胡椒粉味，比西安嘅更加勁、「後座力更加長」，食完之後成個人都精神晒，「自信心都返埋嚟。」佢又試食牛肉盒，話入面牛肉份量好多，大讚唔錯。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
