謝展寰話颱風同黑雨接住嚟，呢兩晚都瞓唔着。(資料圖片／陳奕釗攝)
颱風小犬啱啱離開香港，但今日(9號)上午就迎嚟一場黑雨。環境及生態局局長謝展寰喺一個活動致辭時候話，10月仲打咁大風同埋長時間嘅黑雨，搞到佢兩晚都瞓唔着覺喎。
政府團隊徹夜不眠監察颱風
所謂何事？佢解釋一方面要𥄫住個風，今日就開始𥄫住會唔會落大雨引致山泥傾瀉等，仲話成個政府團隊都徹夜不眠𥄫住個情況，以調動人手處理。
不過佢話如果要返去最根本嘅問題，就係大家點樣避免氣候繼續變化。佢提到，港府為咗推動使用氫能，已經特別成立咗跨部門工作小組，去檢視香港唔同技術與標準，兼且有出錢出力推動試驗。
▼大批旅客滯留機場等候的士或航班▼
amJetso送太興鮮臘腸 👇立即按此參加
