Supreme「搞興」LV，聯乘作品繼續嚟。剛公布與Levi's合作推出牛仔衫褲，今日又宣布與英國鞋Clarks Originals合作出鞋。今次鞋款係Clarks嘅Weaver作基本，麂皮質地更加令人想買。除咗Supreme嘅代表性紅色，仲有綠、白、黑及粉紅，我就會選擇黑，夠百搭包冇衰。
Supreme x Levi's推出牛仔物，牛衫型過牛褲好多，就算係紅色都唔「蝦人」着，當然最靚係間條牛仔藍啦。Supreme x Clarks與Supreme x Levi's今日同步喺紐約、洛杉磯、倫敦等地嘅門市發售，日本門市26號上架，買張機票明日飛過日本買啦!
【立即參加】送Rollink全球最輕薄可摺疊手提行李箱🧳！
