日本TAKARA TOMY出品嘅「TOMICA」車仔，唔只令香港小朋友迷上，就連大朋友都瘋狂買嚟收藏，日本人就更加唔使講啦。為紀念京都市交通局市區巴士開業90周年，TOMICA推出咗呢款限量版巴士，外型與真正行駛嘅巴士一模一樣。巴士喺6月尾網上發售5,100架，一日內已售罄。雖然京都市交通局對市民嘅熱烈反應好開心，不過就發現有人將巴士放上網發售，仲由原價1,000日圓炒高至5,000日圓，每日只限買5架。交通局發言人表示 : 「如果有人有『目的』地轉售，我會覺得非常可惜。」
香港TOMICA迷想買，都唔係冇辦法，除咗去銅鑼灣、尖沙咀嘅影音連鎖店(你知邊間啦)碰下運氣，仲可以去下旺角嘅年輕人商場，都有機會買到。
入App免費拎23大商場蛇年利是封
