B女天賦異稟一出世頭髮超濃密勁得意

澳洲B女Alexis Bartlett剛滿6個月，一出生就成為大眾焦點，因為佢天賦異稟咁擁有一頭超濃密秀髮。

最厲害係B女把頭髮，由喺媽媽個肚度照超聲波時已見到！Alexis除頭髮茂密，額頭、背部仲有屁股上都毛茸茸，不過Alexis爸爸並唔擔心，因為佢話自己細個都係咁，囡囡只係繼承佢基因。而Alexis媽媽係髮型師，所以大家都覺得Alexis有把濃密秀髮係命運安排。

每次家人帶 Alexis外出，大家都注意到佢嘅頭髮，同其他小朋友相比，與眾不同。有人話BB剛出世時嘅頭髮會慢慢甩，不過 Alexis至今頭髮無甩不特止，仲愈來愈茂密添。