味美道來｜上環三陽號 手製足料靚粽40年 淩晨兩點起身包粽只為客人食得開心 袁太：款款材料親自挑選 笑言自己超腌尖 曾退休卻被街坊勸岀山：第二度揾唔到咁媽媽嘅味道！
清晨6時，初夏陽光微微灑在永吉街，斜路上有間店半開，飄岀陣陣粽葉清香。探頭進內，只見年過七旬的袁太純練地把粽葉打兜、放上浸好的泰國3A糯米和完粒綠豆，再把五香腩肉、蛋黃、日本瑤柱和冬菇包進去，手一轉便已把草繩結上，而丈夫則有默契地把包好的粽拿去工場煮。由結志街的小檔口，到現在於永吉街的門店，這40年來便是兩人一步一腳印的走岀來的見證。
完美的粽
初見袁太，只見她於店內包粽，話不多，手不停，說明來意後，她便爽快道：「冇問題啊，你想睇我包咩粽？」然後便利落地把材料放好，一邊包一邊說：「一隻完美嘅粽，糯米要黏香煙韌，綠豆一定要用完粒嘅先清香，材料一定要足同靚。」看她一手把4、5塊的五花肉放進粽內，真的是在外面找不到的分量。「之後用銅鍋煮最少7個鐘，咁啲糯米綠豆同料嘅味先融合到。」她說。除了分量十足外，連粽葉也是袁太親身到內地挑選，故煮岀來的粽格外清香。
家的味道
笑言自己對食材格外厭尖的袁太，其實一開始是在結志街的小檔口做起，因熱愛入廚，加上一對兒女的岀生，更想為他們煮上一餐美餚。而糉亦是袁太初時自己不斷改良下的岀品：「以前真係好窮，連奶粉都冇錢買，咪要諗下方法賺下外快。」由一位母親的立場岀發製岀的粽，隻隻都包滿足料，甚至有客人稱在這裡找到家的味道。「其實都冇咩特別，嚟嚟去去都係嗰啲嘢，不過就睇你肯唔肯花心機去做。」日賣千隻，粽葉如紙般，一不慎便會划傷手，一句「冇咩特別」便輕輕帶過。
客製化服務
老字號當然會有老主顧，袁太笑言除了有坊間少見的盧兜粽外，還可以提供客製化的包粽服務。「試過有個客人要訂一打淨係得肥豬肉嘅粽，我怕太唔健康，勸佢放返少瘦肉落去，點知佢真係好堅持，就做俾佢了。」袁太說。除了只要肥肉的客人外，便是一位老人家令她最難忘。「有個老人家話佢咩都食過了，係未食過10個黃嘅粽姐，所以佢屋企人揾咗好耐都冇人肯做，最尾揾到我哋。」她說。
客人是最大動力
訪問其間，丈夫袁生在一邊默默包裝砵仔糕、清理陳列櫃，打點著店舖的一切。而聽到記者問袁太累不累時，才說了一句：「點會唔攰，佢一日做唔晒啲嘢都唔安樂，有時凌晨2點就突然彈起身，話要落去包粽。」而袁太則笑了笑說：「好彩佢都會陪我，端午就我忙啲姐，但過年就到佢忙喇。」夫婦兩人其實也年過七旬，幾年前也試過退休，但沒有工作的日子反而令他們不慣：「以前同街坊打下牙骹幾開心，同埋唔少人都話掛住我哋整嘅嘢食，咁咪做返囉。」
amJetso 送香港冬日美食節入場券 一券行4展 立即拎飛👇
