7歲女童Daisy出生起就被診斷患有「軟骨發育不全症」(俗稱侏儒症)，自小不停進出醫院，從來無真正出門去玩過。
直至醫院小兒健康部門舉辦「Make A Wish」活動，大家出錢實現其中一個小朋友心願，Daisy參加甄選，順利被選中！
其實小小Daisy願望好簡單，就係著公主裙去迪士尼樂園見《美女與野獸》嘅貝兒。迪士尼園方知道Daisy嘅故事後，立即應允Daisy同佢家人免費參與「Tour of France」之旅。
Daisy阿姨Patricia話Daisy知道可以參與旅程後，又驚訝又興奮，跳上跳落，開心到喊，令全家都跟住佢一齊喊。
基本上，扮迪士尼公主嘅演員，好少流露真性情，因為佢哋只係扮演緊一個角色，但係當Daisy參加Tour of France後，陪佢玩足一日嘅「貝兒」都喊住同Daisy講拜拜，整趟旅程都充滿歡笑同感動嘅眼淚。
立即更新/下載AM730手機APP 體驗升級功能
