上圖呢種「韓國Oppa」經典髮型，相信大家如果有睇韓劇都唔會陌生，不過大家可能唔知道，呢個髮型有個名，就係「러보이컷」，即係「Lo-boy cut」。
「Lo-boy cut」係Lover boy cut縮寫，顧名思義就是充滿男友Feel嘅髮型，韓網對呢個髮型嘅描述係「不對稱造型劉海做、留鬢角、露出耳朵，後面發尾修剪成齊腳，與鬢角呼應，頭頂做出層次感，整體有厚度感得來又輕盈。」
聽上去都幾複雜，簡單來講，韓版《花樣男子》中嘅F4，就全部都有梳過呢個髮型，仲令呢個髮型喺韓國爆紅，其中以金賢重版花澤類嘅髮型最為經典。
立即更新/下載AM730手機APP 體驗升級功能
