焗爐食譜 │焗西班牙春雞伴辣肉腸忌廉汁 煮法超簡單1小時內搞掂！(有片)
【今晚食乜餸】松露女王Esther Au教你整一道焗西班牙春雞，同另一半分享夠滋味，這個焗爐食譜預備加製作一小時內搞掂，做main dish好睇又好食！記得睇埋片尾小貼士呀！
西班牙春雞材料
西班牙春雞 1隻(約400克)、鮮忌廉50毫升
雞湯 50毫升、雙色或三色車厘茄6粒
白磨菇 2粒、蘆筍 50克
辣肉腸 50克、乾蔥 1-2粒
油 適量
1. 春雞開半，去內臟，以少許鹽、黑椒及橄欖油調味醃勻，並按摩3分鐘。
2. 平底鑊放油燒熱，把雞兩邊煎香；放焗爐以180度焗20-25分鐘。
3. 露筍切去根部約2吋。乾蔥切粒、磨菇切片、車厘茄切半；辣肉腸切條。
4. 露筍放油鑊煎熟，盛起。
5. 同一油鑊將乾蔥及磨菇炒香，放辣肉腸後注入雞湯煮滾，放車厘茄煮至稍熟及酸甜味釋出，最後加入忌廉煮滾。
6. 露筍放碟後放上春雞，淋上伴汁即成。
焗爐食譜 │焗西班牙春雞伴辣肉腸忌廉汁貼士
●處理全雞時需剪走內臟再清洗乾淨，否則焗起來不美觀。
●辣肉腸於一般超市有售，怕辣的話可以用Pancetta（意大利煙肉）取代，帶有意大利火腿的油脂芬芳，吃起來也十分惹味。
鳴謝煤氣烹飪中心借出場地
amJetso 送香港冬日美食節入場券 一券行4展 立即拎飛👇
