網上熱話｜港女帶哮喘藥過安檢被截停 職員1句質疑惹爭議：係咪應該再培訓
聖誕是旅遊旺季，近日有不少人趁著長假期出遊。去旅行當然希望開開心心順順利利，但早前一位港女在社交平台上發文，指自己近日在香港機場出發外遊時，就因為帶備哮喘藥過安檢而被職員截停，過程中更被職員的話語激到無名火起，引起網民熱烈討論。
圖片來源：香港哮喘會
港女帶哮喘藥過安檢 被截停質問
早前，一位港女在社交平台以「香港究竟發生咩事？」為題發文，直指自己近日在機場準備外遊時，在過安檢的途中就被當值職員截停，而事件起因竟然是單單因為一枝哮喘藥！
圖片來源：Threads
圖片來源：TVB《飛常日誌》劇照
職員1句質疑惹爭議
事主引述被截停時，當值男職員向她表示「你個袋有支氣體」，惟當事主坦言回應「 係呀，係我支哮喘藥」後，該名男職員竟揚言「我都希望係哮喘藥」。聽到呢句的事主已即時無名火起，只好「打開個袋」供對方檢查，並補充指「個袋得枝哮喘藥係氣體」，對方就回應道「哦，好呀，係哮喘藥就得啦」，並對負責截停她的女職員無奈表示「係哮喘藥黎，幫你唔到」。
圖片來源：TVB《飛常日誌》劇照
網民分享類似經歷
對於以上兩位職員的言論，事主嬲爆表示「請問，呢兩位人員係咪應該再培訓？可以咁樣講野？」、「咩態度？咩意思？」。大批網民旋即分享類似經歷，有人表示「幫佢唔到？乜捉到人有違禁品變左KPI咩？幾恐怖喎」，「老實講covid前啲機場保安正常好多，好efficient。而家啲保安似商場看更，咩都唔識，我都試過哮喘藥、非壓縮face spray（得英文）俾佢拎出嚟研究成分鐘。」
圖片來源：TVB《飛常日誌》劇照
另外，有人分享類似的無語經歷，「我嗰次拎100ml藥水上機，有晒label。個女職員問我咩嚟，我話藥水嚟嘅，我有醫生紙，然後佢話正常唔俾上機架，因為咁大支我唔知你入面嗰啲係咪藥水嚟，我地每樽液體上限係100ml。但樽藥水寫住100ml….佢問返我轉頭乜原來支藥水係100ml….」，有人揚言「機場班入境都好差，有次唔小心放左張身份證係gip到寄倉，咁咪用護照排人工條隊入境返香港，跟住個入境問我：『咁後生唔識用e道呀？』」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
