港男怒斥香港餐廳1陋習極趕客惹網民爭議 「無下次」VS「自己煮」
有關香港食肆的爭議多不勝數，特別自港人習慣北上覓食後，令不少人在幫襯本地食肆時，都習慣與內地的餐廳作對比。早前，一位港男就在討論區上嬲爆發文，怒斥香港的餐廳其實極趕客，更指大多數食肆都會有1陋習，引來大批網民熱烈爭論。
（圖片來源：電影《夜香·鴛鴦·深水埗》劇照）
港男狠批香港餐廳極趕客 疑1陋習惹禍
近年有不少香港食肆嗌晒救命，只因自從港人熱愛北上吃喝玩樂後，令到香港的餐廳生意變差，更有部分因而需要忍痛結業。不過，亦有人認為香港的食肆生意淡薄完全是咎由自取。早前，一位港男就在討論區上嬲爆發文，直指香港的餐廳普遍都有1個陋習，揚言「香港餐廳幾時肯戒除搭枱呢個陋習？」，狠批此舉極「趕客」、「見到要搭枱即走」。
（圖片來源：LIHKG討論區）
大批網民有共嗚 揚言： 幾好食都無下次！
帖文引來網民熱議，大批網民對此表示好有共鳴，只因在香港人搵食大多都試過被餐廳要求「搭枱」，即與陌生食客分用一張枱，方便餐廳讓更多客人幫襯。有網民分享親身經歷，直指「試過去間餐廳有空枱，6人枱仲有1個位，居然夠膽叫人5+1咁坐」、「幾好食都冇下次」。亦有網民表示香港食肆的陋習絕對唔止咁少，「限時、搭枱」、「凍飲+$2、$3、$5」、「最低消費」、「齊人先比入」、「無服務但收加一」，揚言「返大陸食算」。
部分網民力撐食肆：返屋企自己煮囉
雖然大批網民認同香洗的食肆有很多規則，部分更加十分擾民或無理，但仍有部分網民力撐食肆。有網民坦言「而家咁少客仲有搭檯咩」、「去其他唔洗搭枱嘅餐廳咪得」、「咁咪唔好食囉」，更有人反鬧發文者「你呢啲死傻X唔願意搭枱咪返屋企自己煮囉」。
（圖片來源：LIHKG討論區）
amJetso 送香港冬日美食節入場券 一券行4展 立即拎飛👇
