廁格又無廁紙？辦公室的水機、影印機又常常亮起紅燈？或者代表同事的公德心也亮起紅燈。常說公司如大家庭，互相付出是應有之義，偏偏有人「奉旨」要著數到底，視紅燈如無物。若遇上當天手上工作已應接不暇，再加上幾次換水、換紙、換廁紙，隨時「㷫過火屎」。有人事顧問提醒，職場公德可能影響同事感情和合作關係。
有說辦公室的水機，最能反映同事的公德心，有網民分享，「公司年紀大嘅同事點都唔換水，高層更加唔會換。好一段時間，大家鬥唔飲水，睇下邊個忍唔住去換。」有男網民則抱怨，「公司全部女人，得我一個男人，水機得我一個換。」也有人稱，「堅持敵不動，我不動。一見無水，就即刻扮晒嘢行開。」
除了水機冇水，網上論壇還充斥網民分享的「缺德個案」，諸如影印機經常亮起紅燈、唔換光管、食物不包好和生病不戴口罩等。安俊人力資源顧問董事總經理周綺萍認為，「公家嘢唔做，難免會有同事睇唔過眼，繼而影響同事間嘅感情同合作關係。不過，應該先了解原因，同事會唔會因為腰痛、手痛所以唔換水。如果純粹個人問題，公司應該適當呼籲同提醒。」她續指，「同事不和通常唔係由單一事件引發，而係由一件小事開始，例如只係成日分享別人嘅零食，但又從不買零食回公司，結果同事會對嗰個人嘅包容度下降，加埋加埋就愈嚟愈嚴重。」
攞文具 印私人文件或涉違法
周綺萍補充，部分個案涉及公德外，更可能有違法嫌疑，「例如攞公司文具等物品、影印私人文件等，有啲公司係視為『盜用公司資產』。呢啲情況未必影響到同事，而係影響公司營運。公司管理層應該做好監管，避免員工觸犯先處罰。」大律師陸偉雄認為，「若公司清楚界定及表明會嚴懲盜竊行為，而員工又被證實有不誠實意圖，可能會觸犯盜竊罪，但須視乎案件實際情況。例如公司沒有聲明下，而員工唔小心攞咗公司一枝筆返屋企，比較難認定係盜竊；若員工係刻意攞咗大量文具，盜竊意圖則比較明顯。」
立即更新/下載AM730手機APP 體驗升級功能
