長沙灣新開24小時無人拉麵店 最平$28任加配料 全自助形式/夾公仔機
早前韓國非常流行的無人拉麵店，終於登陸香港！最近有網民發現長沙灣新開一間24小時無人拉麵店，店內有齊點麵機、配料區、料理區，更有夾公仔機。最平只需$28就可以吃到公仔麵+無限配料，絕對是糧尾恩物。即睇詳情！
24小時無人自助拉麵店於早年COVID疫情時於韓國興起，現時仍可於首爾見到。最近有網民於Facebook「長沙灣美食及消費關注組」，分享最近長沙灣新開了24小時無人自助拉麵店，店內有齊自助點麵機、配料區、夾公仔機、料理區，與韓國的無人拉麵店有90%相似。它們更推出開業優惠，$28食經典農心辛辣麵和任加配料。
店內標示整個料理步驟，首先選擇心水韓國拉麵，除了最基本的辛拉麵，亦有薯仔湯麵、辣雞麵等。之後就可以自行選擇配料，齊備泡菜、芝士片，更有墨魚丸、豬肉丸等。到料理區煮麵後就食得！店內更有夾公仔機，大家可以在等待期間消磨時間！不過有網民認為價格稍貴，說不上是「糧尾恩物」。亦有人指出店內配料區沒有遮蓋，衛生問題令人擔憂；且配料區任人添加，有機會被有心人士濫用。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
