收租業主套現換貨 放盤現排隊睇樓 街坊客擲1080萬購得心儀海景三房｜有圖
減息後樓市氣氛有所好轉，優質單位放盤成功吸引多組買家。晉誠地產高級營業經理鄧錦雄表示，深井龍頭屋苑碧堤半島3期第1座「樓王」單位放盤新近於同一時段錄得多組準買家在大堂等候睇樓，最終由街坊客擲1,080萬元承接。
鄧錦雄指，碧堤半島3期第1座低層A室，實用面積約968方呎，三房間隔。單位屬於正南臨海，享青馬橋景，最新以1,080萬元沽出，呎價約11,157元。新買家為同區街坊，心儀該座「樓王」單位已久，得知有放盤，因需配合現有租客於指定時間開放給準買家睇樓，結果同時段出現多組買家在大堂等候。
據了解，新買家熟悉屋苑，以及較早前亦已視察其他單位，故一睇即合最終斥1,080萬元成功購入心儀單位；而租客亦於成交前遷出，交吉交易。
原業主持貨19年帳賺近4球
鄧錦雄稱，原業主於2005年以689萬元購入單位，一直作收租，是次售出單位後計劃再「換貨」，持貨約19年，帳面獲利391萬元或56.7%離場。
翻查資料，該座A室對上一宗成交追溯到今年7月份，一個高層A室以1,100萬元售出，呎價約11,179元。碧堤半島位於深井青山公路深井段33號，2003年入伙，共有3期涉及8座，提供3,345個單位。
amJetso 🎁送馬哥孛羅酒店賀年糕點 按此參加👉
