朱茵相隔13年再參演的港劇，在《反起跑線聯盟2》演嚴厲老師。
朱茵相隔13年再參演的港劇《反起跑線聯盟2》將下周一(12日)開播，她在劇中演一位非常嚴格的老師，為了讓一班小演員更投入角色，朱茵在戲內戲外都保持威嚴：「頭先導演話我嚟緊喇，小朋友即時靜晒，因為頭兩日我唔太敢笑，令到有翻老師嘅距離感，佢地都易入戲啲。不過之後幾日我都寬容啲，因為唔想佢地真係驚咗我。」
蘇皓兒未ready做媽咪
演朱茵妹妹的蘇皓兒(Chloe)則首次升呢做「媽咪」，Chloe笑言不能一直做學生，「呢次係一個進步。」Chloe大讚劇中囡囡好乖巧，晚上更會發短訊叫她「媽咪」好sweet。不過，問到現實中做媽媽，她就耍手擰頭，「搞唔掂兼未Ready。」
見小演員 憶囡囡童年
朱茵自言以愛女老師的日常舉止作參考：「因為由幼稚園開始成日接觸老師，腦中都有唔同嘅形象，真係幫咗我嘅演出。依家囡囡都大個咗，見到呢班小朋友好得意，好像囡囡童年時候，忍唔住睇多啲、望多啲。」有別於戲裡角色般嚴肅，朱茵自言是有得傾有得講的媽咪，不介意向女兒道歉，「有啲位會嚴啲啲啦，但唔可以比佢驚咗我，因為驚咗就唔再講真話，同埋自己做錯咗會Say Sorry，令佢知道呢句說話唔係咁難講。」
amJetso 送BIODERMA救星小紅瓶🩷護膚恩物 立即按此參加👇
