英國八卦雜誌《Star》今期封面報道，失婚的荷李活型男畢彼特(Brad Pitt)和姬蒂赫遜(Kate Hudson)不單只撻著，畢佬已經搬入女方屋企住，連姬蒂媽媽、女星高蒂韓(Goldie Hawn)都表示畢佬令女兒開心，似乎贊成兩人一齊。而姬蒂的哥哥故意在Instagram貼上該期封面，並寫道：「係呀，簡直好似地獄一樣。佢將屋企搞到立立亂，飲到醉醺醺，如廁又唔閂門，又稱我為兄弟，我啲仔女叫佢B(Brad)伯伯……你該係時候搬出去啦，我想過番以前嘅生活。」語帶揶揄嘲諷，沒有承認亦無否認姬蒂的感情傳聞，網民拍案叫絕。
入App免費拎荷花BB展入場券
