金鈴、米雪、吳綺莉、張文慈等，昨日出席陀飛輪腕錶發布會，問吳綺莉為何以「不倒翁」為主題，她指以此來面對逆境；有指吳卓林與同性妻Andi已經離婚，吳綺莉指，家的大門永遠對女兒永遠敞開。
吳綺莉是次以「不倒翁」為設計主題，問她為何會有這份構思，她表示：「當自己生活好低潮嘅時候，金鈴姐成日同我講，要有不倒翁嘅精神，咁多年嚟佢教咗我好多嘢。」提到其女兒吳卓林早前傳出已經離婚，並去看婦產科，問她家事是否告一段落，她笑說：「經一事長一智，任何人都年輕過，每個人都要經歷，摔一交先知痛，總之屋企嘅大門永遠為佢哋打開。」吳綺莉又稱：「其實好多朋友都話我好心急、脾氣壞、又硬頸，依家學緊做一隻好大嘅小鳥。」
張文慈怕狂迷騷擾家人才報警
張文慈日前因為遭狂迷騷擾，已到警署備案，她表示：「其實中間發生咗好多事，佢會係我屋企樓下等我，我同其他fans影相佢又唔高興，我怕佢會傷害到我屋企人，所以去咗備案，都告一段落所以唔再提啦。」問到之後會否不敢與fans這麼親近，她坦言：「咁又唔怕，只係個別事件啫，其他fans都好錫我。 」
張文慈稱，怕家人被騷擾才報警。
🎁 amJetso請你睇《焚城》，快Ｄ開APP玩👇 👇
