劉浩龍、陳漢娜主演的網絡故事改編電影《把砒霜留給自己》， 前傳是電影主題曲《砒霜之後》的15分鐘MV劇場版，劉浩龍與小肥在劇中跟隨黑社會大佬葛民輝，兩人是同門師兄弟，小肥更一直暗戀劉浩龍，第一場更鼓起勇氣咀對方，小肥稱拍這場戲差點失聲。
提起這場咀戲，小肥形容拍攝時非常痛苦：「同劉浩龍爭啲咀到，係我拍攝嘅第一場戲，所以彩排好耐，痛苦嘅，因為係整個MV畫面同語氣最激嗰場，嗌到聲都沙埋，又唔記得飲水。咁第一場戲大家比較難捉，唔知俾咩反應，經導演指點、試咗好多次，最後出街就係依家咁啦。」
小肥鼓起勇氣向劉浩龍示愛。
被讚有情有義
小肥稱，除了這場示愛戲，與葛民輝合作亦很難忘，因可從對方身上學習，而小肥的角色暗戀師兄，亦有情有義肯為愛犧牲，又有好man的時候，是一個有趣的角色。小肥笑言角色跟他性格有點分相似，「我有少少man，好多朋友都讚我有情有義，但係角色有啲唔似嘅，我唔會專登做到反面去令人接受某啲嘢。」
入App免費換走健康產品
