張敬軒的紅館演唱會補場，昨晚(14日)來到第五場，現場意外地發生一段甜蜜小插曲，有台下歌迷突然騎劫演唱會，上演求婚戲碼，一名手持一束玫瑰花的男歌迷，拿出戒指跪地向身旁女友求婚，瞬間成為全場焦點。
演唱會突然被騎劫的軒仔亦非常大方，即場化身證婚人，叫準新郎為未來新娘戴上求婚戒指，並搞笑問：「（鑽石戒指）是否英皇鐘錶珠寶的？」不過，據指女方最後似乎沒有戴上戒指，場面非常尷尬，而且更遭網民紛紛留言鬧爆：「喧賓奪主真係好冇禮貌」、「喺演唱會求婚，其實好唔尊重表演者囉」、「軒仔演唱會飛已經難買，仲要嘥時間睇個三唔識七嘅人求婚」等等。
其實軒仔於2020年的演唱會也曾發生過同類型的求婚事件，不過當年軒公表示是收到對方的inbox訊息，經過一輪溝通後，軒仔最後於大熒幕播出男歌迷向女朋友大講感人說話求婚的片段，未知今次這位男歌迷有否預先通知軒公呢？
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
