張敬軒第三場演唱會邀請到欣宜任嘉賓，他昨晚則穿上價值6位數字的閃鑽戰衣。
張敬軒演唱會第三晚，請來女神欣宜(Joyce)跟大家過聖誕，Joyce一身聖誕造形出現，為大家帶來不少歡樂，軒仔更大讚Joyce已經不是往日那個活在家人光環下的Joyce，而是一個獨立的發光個體，一路走來付出的汗水已經得到回報。
昨晚，軒仔以一曲《女神》升欣宜上台合唱，合唱過後兩人擁抱又擁抱，繼而軒仔問欣宜，「你今晚一身咩造形？」欣宜笑話：「聖誕女神囉。」獲一遍歡呼聲。
軒仔台上表示：「每一次所有公開活動，無論我幾訓唔醒，幾咁moody ，一見佢我就開心，佢永遠帶更好多正能量比人 ，好sweet ，每次都比我一個好大力好大力擁抱 。」欣宜就話：「我每次見皇上，佢都會係個角落偷偷地望住係到偷笑」軒仔：「好似痴漢咁？哈哈」欣宜：「我心諗，你一定係好鐘意我」軒仔即時抵死回應：「你諗多咗啦」欣宜：「皇上我好開心我地可以一齊……一齊合唱」軒仔又即話：「嘩，你講一齊我個心即刻淆一淆」 欣宜：「我知你係鐘意㗎！」最終軒仔屈服：「梗係啦 ！」
繼而軒仔話：「係好多頒獎禮，或者網上見佢新歌發佈， 我都覺得好驕傲，因為今日嘅Joyce 已經唔再活係家人光環下，係一個獨立嘅Joyce ，你汗水會得到回報，我有預感你今年有好成績！」全場即響起掌聲。
平安夜，軒仔有搶bear山聖誕裝，聖誕節他就特別換上一位英國年輕新晉設計師Richard Quinn為他這個騷特別訂製的閃鑽新衫，據知衫用金銀線縫製，上面一共釘有10萬粒珍珠加水鑽，重近20KG，價值六位數字。
立即更新/下載AM730手機APP 體驗升級功能
