張敬軒今年再次專注音樂事業，成為各大頒獎禮的大熱。
張敬軒《THE NEXT 20演唱會》的入行20周年跨年紅館演唱會，加開至15場仍一票難求，主辦單位宣布最加開明年1月13至15 日最後三場，加場門票將於周三(8日)網上公開發售。對於兩度加場，張敬軒表示收到很多買不到飛的投訴，甚至有歌迷遇上騙徒呃錢，為免令樂迷失望，才再答應加場，「我考慮過自己體力、工作上調配是否可以等等問題後，真心希望可以幫到歌迷朋友，等佢地可以有再買飛的機會。」
近日天氣轉冷，軒仔自言會保重身體，免病倒影響工作。
最大敵人係手機
軒仔的歌出名難度高，不是常人可駕御，如今要應付18場，他自言已非常保重自己身體，天氣轉冷更不敢怠慢，以免病倒影響工作，「今次有專業團隊照顧我聲帶健康，聲樂老師跟照顧我聲帶的醫生商量，吩咐我唱5日休兩日，才能讓聲帶保持最佳狀態。依家我唯一敵人就係部手機囉，哈哈，大家都知我有手機成癮症，成日一睇唔知點解又天光，演唱會期間真係要戒，戒唔到點算？或者可能真係要搵人係演唱會收工之後，收走我部手機，咁我先可以早瞓。」
🎁 amJetso請你睇《焚城》，快Ｄ開APP玩👇 👇
