雯雯自嘲有「網路乞丐」這個稱號。
「離婚KOL」張致恒(Steven)與太太區燕雯一家經常呻窮，早前雯雯稱屋企已經斷電，同日晚上，Steven在其IG貼出QR code，再度呼籲大家幫手，網民對於他們的舉動議論紛紛，更形容他們已經由「離婚KOL」變做「丐幫界KOL」。近日，雯雯不時在社交網與網民大玩你問我答，今日（30日）她就貼文自爆因為錢銀關係已與母親斷絕關係。
雯雯在IG限時動態驚爆與母親已經斷絕母女關係，並且各自各生活，她寫道：「我發現好多人會關心，我媽媽有冇幫過我。有，咁多年一定有，但宜家大家嘅關係，都只係一個債主同借款人。大家已經斷絕咗關係，所以佢冇必要幫我任何野，甚至照顧小朋友。大家各自都有大家嘅生活，都冇必要再扯上任何關係，再加上我有（網路乞丐）呢個稱號，其實都冇必要影響任何人，所以我宜家嘅生活，就只有我的家庭，所以希望大家唔好再問我！」
雯雯驚爆與母親已斷絕關係。
amJetso 送BIODERMA救星小紅瓶🩷護膚恩物 立即按此參加👇
