李蕙敏(Amanda)昨日出席ViuTV節目《Chill Club》錄影，她表示節目組多次邀請她，加上節目口碑好，於是答應出席。她說︰「因為要忙自己嘅工作，農曆新年期間又去咗美國表演，終於有時間可以嚟參加，心情當然好興奮。」
她坦言平時在家會和2歲的兒子一起練習唱歌，並打算多培養他：「想俾佢學多啲，因為佢媽咪係歌手嘛，等佢知道多一啲音樂知識。唔會強迫囝囝，如果佢長大想做歌手，或者其他工作都可以。」
Amanda稱最近多了時間可以和囝囝相處，笑言沒想過湊仔這麼辛苦，更抱到她手臂痛。她說︰「終於知道有嘢辛苦過返工，同埋男仔又百厭啲，體能真係勁過開騷。最近我多咗帶佢出去公園，同其他小朋友一齊玩，不過天氣好熱，每次都要準備多好多嘢，驚中暑。」
入App免費換走健康產品
