李佳芯(Ali)為慈善機構「耆智園」製作的短片《伴》，首次身兼演員、導演、監製及編劇四職，她笑言「精神分裂」。短片上架一周已錄得逾11萬點擊，更獲一班通芯粉(Ali粉絲暱稱)自資出動大型應援車，於尖沙咀及銅鑼灣作流動宣傳。Ali在社交平台上載「躺平」相片謝票，她寫道：「看似閑適的躺着，可腦海已浮現下個project的藍圖。才發現，這幾年沒停下腳步、也沒停止學習，最近也終於感受到網絡平台的威力。」
一人身兼四職
Ali回想這次拍片計劃，源於影迷會的義工探訪活動，Ali於耆智園院舍目睹一位女粉絲落淚，「原來佢婆婆早一年因為腦退化症而過身，令到佢觸景傷情。」此後Ali發現這病非常普遍，身邊很多朋友都有家人患有腦退化症，此病卻一直被輕視，於是萌生製作宣傳短片之念。首次身兼演員、導演、監製及編劇四職， Ali 直言考驗重重，簡直是「精神分裂」：「因為我哋得一日拍攝，我一邊要做導演決定好多鏡頭拍攝，諗埋後期剪接，另一邊廂我就要代入演員角色，簡直係精神分裂。」Ali特別答謝好友楊潮凱義助拍劇照，並發現自己每張照片都眉頭深鎖：「我張張相都皺晒眉，冇笑容，未見過自己呢個樣。可能因為我當時精神極度緊張 ，完全分唔到心，發現做幕後真係唔容易。」
難忘「將錯就錯」對手戲
Ali最難忘是與張同祖吃飯的一場戲，劇情講述飾演父親的張同祖因患腦退化症，誤將魚當成蝦，身為女兒的Ali不但沒有反駁，反而一起「將錯就錯」：「呢場戲係同祖哥即場構思出嚟，想用電影橋段帶出照顧者與被照顧者嘅日常，可能好多照顧者遇到呢個情況會覺得好麻煩，係一個負累。但一念之間諗吓其實對方都係你屋企人，有呢個病佢都唔想，呢個時候應該要大家好好諒解，照顧者要搵一個自己堅持下去嘅方式開心過日子。」
立即更新/下載AM730手機APP 體驗升級功能
