江嘉敏愚人節出席「Do Playing遊樂園」。（娛樂組攝）
江嘉敏今日（1日）出席「Do Playing遊樂園」，她自從2月正式離巢TVB後，工作接過不停，一直維持高人氣和曝光率。江嘉敏接受訪問表示：「離開咗舊公司之後多咗好多同唔同朋友合作嘅機會。」她憶述當初離開舊公司的感受：「唔捨得，所以喊，離開咗舊公司都兩個月，都有約啲同事一齊出嚟食飯。」
提到早前預告「獻出第一次」，江嘉敏笑言：「我獻出第一次做舞台劇《我們的青春日誌》，以前睇就睇得多，今次係第一次參與，仲要係音樂劇，所以都好緊張。」她指為了舞台劇不斷排練，並表示：「我會做年輕版嘅校長，客串演出四場。」講到出席活動時在台上自爆有人送花，她說：「可能情人節生日嘅時候收花係正常，但係今日係4月1號愚人節收花，我覺得係俾人整蠱。」她認為送花者可能放錯她的屋企門口，並笑言：「好彩係紅色玫瑰花，唔係白色嘅花，真係嚇一嚇！」
【立即參加】送香港迪士尼樂園一日門票！
