紅館show級數世紀婚宴。
婚宴有藝人做司儀都唔係咩新鮮事，搵歌手上台表演？都唔係未見過。但係搵張敬軒、曾比特同菊梓喬就真係不得了。
喺TVB全能司儀選拔大賽獲得冠軍嘅黃建東，早幾日獲邀為一個婚宴擔任司儀，而佢嘅拍檔係莊鍶敏。咦，司儀都搵2個藝人做，似乎唔嘢少。估唔到表演嘉賓有張敬軒、曾比特、菊梓喬同前輩級嘅蘇珊，簡直係買飛入場睇都願嘅陣容。黃建東仲po咗當晚菜式，一人一隻鮑魚之外，個燕窩羹仲相當足料。而婚禮場地就係尖沙咀海濱高級酒店Rosewood，聽落都知咩料。
新娘子是帶貨直播主持
究竟邊位結婚可以請得郁咁多星又咁大手筆？呢對新人係Wendy同Raymond，新娘子係帶貨直播主持，不時請藝人參與，同圈中人關係唔錯，司儀之一嘅莊鍶敏就經常現身直播。而Wendy都係張敬軒歌迷，舊年軒公紅館show佢仲買到第一行嘅飛。睇佢ig近排有唔少外遊相，又會晒下名牌袋，似乎生活相當富貴。
原文刊登於 Yahoo娛樂LOL，am730獲授權轉
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
