![](https://cdn.am730.com.hk/s3fs-public/styles/article_image/public/2024-03/ccc.jpeg?itok=DxlTfBPl)
陳嘉佳(細細粒)
38歲陳嘉佳(細細粒)自約滿TVB後轉戰內地擔任「吃播主」,靠美食食出名堂,佢曾透露自己每日直播7個鐘,有時食到唔想食都要夾硬食,體重高峰期曾達287磅,唔少網民都替佢健康感到擔心。
不過,細細粒去年開始積極減肥,至今減逾過百磅,最新體重為148.1磅,身形足足瘦咗幾個圈,不但着到泳衣、吊帶衫露鎖骨同膊頭,就連臉部輪廓都出晒嚟,仲被網民封為「港版賈玲」。
以黑色吊帶背心示人
近日佢就做直播為健康類產品帶貨,不過就疑似因減肥後遺症,導致腋下皮膚鬆垮,嚇親唔少網民。
近日細細粒為健康類產品做直播帶貨,喺直播中佢以黑色吊帶背心示人,減肥效果顯注,不過佢喺舉起手時,腋下皮膚鬆垮非常顯眼,唔少網民都被呢個震撼畫面嚇親,留言話「不做運動肯定鬆了,不提倡」、「簡直是反面教材」、「瘦得好奇怪」、「好恐怖」、「好肉酸」及「手臂鬆弛到」等等。
原文刊登於 Yahoo 娛樂圈