袁偉豪疑不滿各大報章以「得罪傳媒」做標題。
袁偉豪上月推出新歌《馬路英雄》，近日頻頻出動做宣傳，不過昨日（18日）他接受《Star Talk》的訪問分享製作心得時，當中亦有提及近年慘成箭靶被攻擊而感到不公平和壓力大，未知是否事後各大報章以「得罪傳媒」做標題而不滿，加上昨晚一集《愛．回家之開心速遞》，就以他早前在社交網拋下一句「我欠咗你哋班傳媒？」一事抽水，種種事情加埋，令袁偉豪在IG爆seed。
袁偉豪在社交網寫道：「點解啲報道，永遠都係錯重點？明明係宣傳新歌，講吓近況，但係永遠出嚟就係錯重點嘅呢？又繼續無限放大 ？請大家千祈唔好覺得我仍然好失落，最差最壞嘅都已經捱過，我現在好好，真的很好，好開心。」最後他表示希望大家不要再搬字過紙。
昨晚一集《愛．回家》就以他早前的一句「我欠咗你哋班傳媒？」一事抽水。
amJetso 送BIODERMA救星小紅瓶🩷護膚恩物 立即按此參加👇
