許廷鏗慘被老竇寸賺得少。
許廷鏗與林愷玲今日出席品酒活動，而許廷鏗連續出活動搵銀，問到是否過肥年時，他指要密密工作幫補演唱會。他更自爆被老竇寸開騷無得賺，他說︰「上次太過不惜工本，係有賺少少，但都放晒喺公司投資到。我應該同佢講開間公司回本都要3、5年，佢寸我嗰日都有少少嬲咗。」他又稱爸爸很落力為他推銷門票，自己也多了不少年長粉絲，笑言應該都是爸爸的朋友。
早前他表示與欣宜的緋聞只是煙幕，後來欣宜強調他們是真愛，許廷鏗說︰「原來真愛一直喺身邊，咁我都係真愛啦？欣宜做正印，就算將來結婚欣宜都地位不變。」
許廷鏗與林愷玲出席品酒活動。
林愷玲去年港大建築系畢業，想到大學最後一年，同時開拍兩部戲十分辛苦，但現時有意兼讀英國文學碩士課程。她透露現正忙於拍攝《冰上火花》，在劇中飾演游泳健將，並會與陳卓賢、柯煒林陷入三角戀。
入App免費拎荷花BB展入場券
