2025-01-31 17:54:55

陳慧嫻演唱會｜阿Sa帶「鮮肉」關智斌任嘉賓慧嫻獲贈Kenny騷肌應援扇辟邪(有片)

陳慧嫻40周年演唱會於昨晚(29日)大年初二舉行尾場，請來蔡卓妍(阿Sa)及關智斌(Kenny)擔任嘉賓，3人唱爆《跳舞街》後，阿Sa和Kenny大唱應節歌《你最紅》，不少觀眾企起身又跳又唱，向他們大派利是，新年氣氛爆燈。

紅館蛇年首個演唱會

慧嫻唱畢第一部分後，向觀眾拜年，「今日大年初二！恭喜發財! 恭喜發財! 祝大家新一年成年大吉！身體健康！心想事成內生意興隆！信心順遂！每日都笑口想開！好唔好！夠唔夠呀? 我覺得未夠！我要大家中六合彩！哈哈！」令全場觀眾開心到飛起。慧嫻指這晚是40周年最後一場演唱會亦是紅館第一個演唱會呀！我想睇下你哋今晚嘅High High指數究竟有幾高！」觀眾即報以雷動歡呼。

Kenny送騷肌扇阿Sa：擺床頭辟邪

在跳唱環節，慧嫻首次跟觀眾握手，「尾場啦！今晚唔駛咁緊張啦，可以握手呀！」大批觀眾即衝向前排，紛紛送上利是祝福，握手時她亦無忘叫大家小心，不要推撞。唱到《跳舞街》，嘉賓阿Sa及Kenny出場，觀眾歡歡呼聲震天，3人互相擁抱後，SA笑道，「我見你話你演唱會上想有啲小鮮肉，咁我特登帶住呢一件嚟，鮮唔鮮就唔知啦，但係都幾好肉地嘅！」慧嫻笑道，「 OK嘅，OK嘅，我有睇螢光棒，重有你張靚相啦，重有我有個應援扇呀。」原來Kenny把自己的肌肉照印係扇上，送比慧嫻。阿Sa:「你可以擺喺床頭呀，辟邪呀。」引來哄堂大笑。